| 個多星期前非法下載電影版20世紀少年第一集
因為想快點知道邊個係「朋友」，所以走左去睇漫畫
好快就比個故事吸引住，然後用左四日睇哂
畫風，是我喜歡的那一類，人物是跟正常比例畫的
故事，帶著少許的解謎性質，也是我喜歡的那一類
整個故事是圍繞著一班童年的伙伴，如何保衛地球
聽落好像有些天方夜談，但其實故事又不是有許多的超自然完素
我最欣賞是故事將主角們的友情描述得很好
可惜故事有少許爛尾，有些謎團仍未清楚解開
如「朋友」二號是誰、定清在第一次交通意外有無死、點解會有咁多載面具的小學生、點解「朋友」成日都叫賢知同佢玩
無計啦，唯有睇多次啦，鬼叫佢好睇咩
|
| |
| 年宵終於完結 日日都踩十幾個鐘 唔係砌風車就係賣野 一日都不知講幾多句「鍾唔鍾意呀?鍾意就同媽咪講喇?」「自家設計安全實用掛袋，原價二十八，依家以低於成本價十蚊賣俾大家，點解呀?因為我地賺夠喇!」「認住呢個Tag，係Times賣緊一模一樣，無著衫講緊係賣三百幾四百蚊，依家俾埋件冷衫佢，都係賣緊二百三十八，歡迎格完價番黎買。」 諗番其實都真係幾白痴，不過真係好鬼死好玩 諗番年宵差唔多每個部份我都有份做 所以完成後既感覺係特別D 睇到最後有錢賺既感覺就覺得之前同呢幾日既付出係無白廢 當中有一個小小的感動位就係我地通宵五人組乾杯 其他人未必睇到 但係呢一下就代表左我地係得左喇 真係感謝各位既付出 訓一覺好既感覺真係好正 |
| |
| 記一記過去既日子發生過既事 去田心踢左幾日波 爽 踩左一日單車 第一次參與呢個咁普通既活動 好玩 去海港城影過下相 然後打邊爐 我一定要畢業後買一部單鏡 依家個部唔夠我玩 番左田家炳陸運會 有兩年無番去 齋睇無得玩就真係有點悶 去左澳門一日遊 玩左賽車 "bell"左人地個屎忽 比人怒bear 吹牙 唔俾人唔識揸車牙
係澳門留到寧晨一點 差點番唔到黎 不過嬴左$150 今日終於捨得去剪下個死人頭 髮型師用左一個好貼設既詞語黎形容我個頭 "嬲幽" |
| |
| 15-16/12/2008 北上廣州尋「歡」 因為年宵迫近既關係 小弟專登放下千斤的書本 北上廣州入貨 但開頭並不順利 鄭X樂先生既遲到 差點兒令我地要俾多三舊水搭車 好彩佢係臨開車一刻係屯門飛的落旺角 虛驚一場 上到廣州 拿拿臨求醫 去左大家樂食野 價錢便宜 甚至見到十二蚊既魚香茄子飯 但由於我地係公幹既關係 所有洗費都係阿公既 所以我地係無揀到黎食架 醫完肚就去左幾個批發廣場 行到勁累 終於都搵到幾個心頭好 然後就諗夜晚個餐 其實就無咩好諗 因為我一早諗好 就係食我未食過既小肥羊喇 但就唔知係邊 搭的士比個司機點左去一叫"蒙小肥羊既物體" 係唔知真假既情況下唔理三七二十一照食 但無論食既、裝修既、服務都比小肥羊有過之而無不及 而個度既「領班」更加令我呢個SOM 人體會到咩先係Service 食完就去左隔離既小湖天賓館開房 開左間$168既二人房 就咁就屈左三個人上去 第二日起身落order 落完order 去飲茶 飲完茶搭火車打住炸彈人番香港 完 |
| |
| 終於完成左Customer Survey 既presentation 簡直係如釋重負 又有D 唔太捨得既感覺 雖然要日日早起身 仲要坐係個位度十幾個鐘 為既只不過係區區30% 真係可憐 但係一班人有一個目標 做同一樣既野 個感覺真係幾好 坐係度既又驚自己錯 唔坐係度既又驚人地要跟自己個part做得唔好 做完咁多野 就更加唔想present 做得衰 又擺多D 心機落去 很久都未試過咁投入去做一樣野lu |
| |
